На церемонија на скалите на Капитол Хил, Џо Бајден положи заклетва и официјално стана 46-тиот Претседател на САД.
„Народот, волјата на народот е слушната и волјата на народот е испочитувана. Повторно научивме дека демократијата е скапоцена. Демократијата е кревка. Во овој час, мои пријатели, демократијата преовлада“ – рече во својот говор 78-годишниот политичар.
„На овој јануарски ден, целата моја душа е насочена кон ова: Обединување на Америка, обединување на нашите луѓе, обединување на нашата нација. И гo повикувам секој Американец да ми се приклучи во оваа цел. Обединети да се бориме со непријателите со кои се соочуваме: бес, огорченост, омраза, екстремизам, беззаконие, насилство, болест, невработеност и безнадежност. Со обединетост, можеме да направиме многу нешта, важни нешта. Можеме да исправиме неправдини“ – порача тој.
За време на заклетвата, неговата сопруга, Џил Бајден, ја држеше старата библија која е во семејството Бајден од 1893 година.
69-годишната професорка и авторка сега ја има титулата Прва дама на САД.
За значајната церемонија, таа избра стајлинг во нежна сина нијанса која симболизира спокојство и стабилност. Палтото е украсено со сваровски кристали, а е дизајнирано од Александра О’Нил од њујоршкиот бренд Markarian.
BREAKING: Joseph R. Biden, Jr. has been sworn in as the 46th President of the United States. #InaugurationDayhttps://t.co/UAlbBuSLTS pic.twitter.com/U88syjBqBu
— Good Morning America (@GMA) January 20, 2021
Камала Харис денес испиша историја со стапувањето на функцијата потпретседателка на САД. 56-годишната политичарка и адвокатка не само што е првата жена, туку е и првата Афроамериканка и првата личност со азиско потекло која застанува на оваа висока позиција.
Харис беше придружувана од сопругот Даглас Емхоф, со кого е во брак од 2014 година.
BREAKING: Kamala Harris takes the oath of office to become the first woman Vice President of the United States of America. #InaugurationDay https://t.co/UAlbBuSLTS pic.twitter.com/CTysIzYUjK
— Good Morning America (@GMA) January 20, 2021
