Кратко видео со две мали близначиња има моќ да ве релаксира и разнежни. Во триминутното видео Соња Рошел користи свој метод за капење на две новороденчиња. Методот би требало да ги опушта малите бебиња и да направи да се чувствуваат сигурно како во мајчината утроба.
51-годишната Соња е мајка на 4 деца и баба на 5 внуци, а веќе 34 години им помага на родилки. Новиот „спа“ метод на капење е базиран на нејзиното долгогодишно искуство. Соња вели дека капењето трае околу 10 минути во мирна атмосфера и дека бебињата кои се помали од 2 месеца речиси никогаш не плачат. За време на капењето во просторијата се слуша тивка музика.
Новото видео на Соња брзо привлекува гледачи.
Претходното нејзино видео со мало бебенце кое ужива во бањањето досега има над 8,3 милиони прегледувања на YouTube.
Сепак, колку и да изгледа слатко капењето според овој метод, важно е да се напомене дека родителите НЕ ТРЕБА да го применуваат.
