Празнични филмови од Coca-Cola го разубавуваат највеселиот период од годината. Двете кратки епизоди се забавен приказ на симболиката зад неповторливиот лик на Дедо Мраз.
„The Santa Stories“ (Приказните на Дедо Мраз) се дел од широката маркетинг кампања на брендот „На светот му се потребни повеќе Дедо Мразовци“ и илустрираат како магијата се множи кога луѓето го акцентираат својот „внатрешен Дедо Мраз“, односно духот на добрината, дарежливоста и љубезноста.
Ho Ho Heist
Во првата епизода насловена „Ho Ho Heist“, Дедо Мраз завршува зад решетки токму на Бадник, кога децата низ светот нетрпеливо ја очекуваат неговата посета. Детективката Гринчхаузер (Октавија Спенсер) го испрашува Дедо Мраз за грабеж организиран од група крадци облечени како него.
За да го спаси Божиќ, криминалецот Нејт (Скут Мекнејри) мора да му помогне на вистинскиот Дедо Мраз да избега од затвор.
The Note
Втората епизода „The Note“ следи случувања на ирски остров, каде живее ужален рибар (Колм Мини), кој за сè и сешто отсечно вели само „НЕ“ сè додека мистериозна порака во шише нема да му го промени погледот на животот.
