Џорџо Армани редовно го покажува своето чувство на стил и естетика на модните писти преку своите колекции. А за да го покаже и својот вкус за уредување на ентериери, познатиот дизајнер по петти пат беше домаќин на фотографите на Architectural Digest.
Претставници на списанието имаа чест да влезат во неговата вила во Швајцарија, уредена од неговиот тим.
„Сè се врти околу она што навистина е неопходно. Заборавете на сè што е излишно и концентрирајте се на елеганцијата постигната преку едноставни линии. Убавината мора константно да е поврзувана со функционалноста, затоа што без разлика каде живеете, тоа треба да е место каде што ќе се чувствувате целосно опуштено“ – изјавил 77-годишниот дизајнер за AD.
Но, освен за вилата во Швајцарија, Architectural Digest има направено фото-репортажи и за другите имоти на Армани во Њујорк, Антигва и Италија, како и за неговата јахта.
Форте деи Марми, Италија
Антигва
Њујорк
Јахтата во Франција
