Џенифер Лопез доби илјадници комплименти од своите фанови откако на интернет започнаа да кружат фотографии од неа кои не поминале низ процесот на дигитално разубавување.
Објавените фотографии се од фотосесија на 45-годишната ѕвезда снимена во 2011 година за L'Oréal Paris.
Најголем дел од бројните коментари се позитивни и преку нив фановите посочуваат дека на Џеј Ло не ѝ е потребен Фотошоп, но очекувано има и негативни коментари за совршените слики кои брендовите и медиумите ги пласираат пред публиката.
Пред две недели Бијонсе беше ставена под лупата на интернет корисниците, заради тоа што „протекоа“ необработени фотографии од нејзина фотосесија за L'Oréal.
