Фотографија од Бритни Спирс и нејзиниот тим предизвика дебати на интернет. 30-годишната пејачка позираше за списанието „V“ во кратка тесна црна сукња, покажувајќи слаба фигура.
Дел од обожавателите на Бритни сметаат дека познатата поп ѕвезда започнала да слабее подготвувајќи се за свадбата со Џејсон Травик, но скептиците веруваат дека фотографијата е резултат на лош Фотошоп.
Бритни и нејзиниот тим
И навистина, кога ќе ја погледнете фотографијата одблиску, Бритни е скоро непрепознатлива. Нејзиното лице е целосно променето, што ги подгрева сомнежите дека и нејзиното тело е дигитално моделирано.
Во интервју за списанието, Бритни изјавила дека нејзиниот тим е нејзиното второ семејство. „Многу години работев со секој од нив, па беше забавно повторно да ги видам сите заедно на првиот ден на турнејата. Сите разговараа раскажувајќи си забавни приказни од минатото“ – изјавила Спирс.
