Фешн Груп ја претстави новата колекција долна облека на италијанскиот бренд Golden Point преку винтиџ фото-приказна со штипјанката Вера Хаган.
Фотографиите нè запознаваат со жена која открива свет на нежност и невиност, за потоа да се открие нејзината заводлива нишка, која нè води во една сосема поинаква мрачна и мистична димензија со примеси на бунтовност. На овој начин се прикажани носечките трендови во колекцијата есен/зима 2014 на „Golden Point“. Палетата се врти околу нежни и неутрални нијанси, но присутни се и есенските тонови како бордо и темнозелено, како и класичната црна боја. Пепито дезенот како актуелен тренд се пренесува и кај долната облека.
Јасно е дека сензуалноста не излегува од мода, па оваа сезона брендовите за долна облека акцентот го поставуваат на креирање парчиња кои истовремено се елегантни, модерни и секси.
