Спортската и стилска икона Дејвид Бекам ја продлабочи соработката со „H&M“. За претстојната пролет, 39-годишниот Англичанец покрај долна облека, промовира и модерна облека која лесно би се вклопила во секој машки плакар.
Во промотивното видео, Бекам вели дека колекцијата се состои од облека која е инспирирана од неговиот личен стил и која би ја носел секој ден.
Дејвид ја снимаше новата кампања за шведскиот моден бренд со Марк Форстер. „Марк Форстер е еден од моите омилени режисери – со нетрпение чекам да ја објавиме новата кампања со H&M“ – тврди фудбалската ѕвезда.
