Два дена пред снимањето на големото шоу на Victoria’s Secret, откриени се некои од костимите во кои ангелите ќе мамат воздишки.
Ревијата ќе започне со сегментот „British Invasion“, а Адријана Лима ќе стане „бисерна кралица“ во костим декориран со „бисерни“ петлици.
Во првиот сегмент ќе ја видиме и Карли Клос која ќе носи колоритен костим и огромни рачно цртани крила.
Линдзи Елингсон ќе биде „снежна кралица“ во костим украсен со блескави сваровски кристали.
Алесандра Амбросио ќе зачекори на пистата во костим инспириран од музиката.
Кендис ќе ја носи најскапата креација на ревијата – градникот кој чини 10 милиони долари.
Иако грандиозното шоу ќе биде снимено сега, телевизиското емитување ќе се случи дури на 10 декември.
