Џенифер Лопез и Џузепе Ѕаноти ги здружија силите. 47-годишната актерка и пејачка го проширува своето дизајнерско портфолио со капсулна колекција обувки, која ја креираше во соработка со талентираниот италијански дизајнер.
„Отсекогаш бев инспириран од Џенифер и ми се допаѓа како изгледа во моите обувки. Беше природна еволуција да соработуваме заедно. Колекцијата, исто како и Џенифер, е сензуална, софистицирана, модерна, но исто така забавна“ – изјавил Ѕаноти за соработката.
„Како и секоја девојка, сакам пар убиствени обувки. Без разлика дали чекорам на црвениот тепих или се облекувам за обична пригода, вистинските обувки го комплетираат мојот изглед и прават да се чувствувам убаво, секси и смело. Колекцијата која ја создадовме со Џузепе е сè што би се очекувало од нас двајца – високи потпетици со жестоки форми и секако, малку блесок“ – вели Лопез.
Колекцијата ќе биде пуштена во продажба во јануари 2017 година.
