Џенифер Лопез и Џузепе Ѕаноти со здружени сили дизајнираа капсулна колекција која ќе ги мами модерните дами. Првата заедничка мини-колекција на славното дуо беше пуштена во продажба вчера.
„Отсекогаш бев инспириран од Џенифер и ми се допаѓа како изгледа во моите обувки. Беше природна еволуција да соработуваме заедно. Колекцијата, исто како и Џенифер, е сензуална, софистицирана, модерна, но исто така забавна“ – изјавил италијанскиот дизајнер за соработката.
„Со Џузепе, создадовме ултра-модерна, женствена колекција од убиствени штикли, секси сандали и модерни патики. И како што сите вие би очекувале, внесена е вистинската доза на блесок“ – вели 47-годишната музичка ѕвезда.
