Стилските приказни на Ана Антолин се инспирација за многу повозрасни дами.
„За мене, модата е еден облик на изразување. Мојата облека зборува за мене и за мојот карактер“ – вели Ана. „Достигнав возраст во која не се грижам што ќе речат другите, па затоа го носам она што навистина го сакам“ – додава таа.
Блогерката, која е родена во Сан Себастијан, а сега живее во Билбао, умешно комбинира модерна со винтиџ облека. „Поседувам парчиња облека кои се стари 20 години, а кои не сакам да ги фрлам“.
Ана отворено признава дека неретко позајмува кошули од својот син. „Тој ми ги позајмува кошулите. Носиме иста големина и ми се допаѓа како ми стојат. Кога одам на шопинг секогаш поминувам низ машкиот оддел и си наоѓам по нешто. Секако, потоа ги правам женствени, додавајќи им аксесоари“ – објаснува таа.
Ана инвестира во комфорни обувки, па ретко носи високи потпетици. „Избегнувам високи потпетици, ги чувам само за специјални настани, бидејќи не знам како да чекорам во нив“ – се пошегувала таа.
Антолин ја одржува својата витка фигура со пешачење, пилатес и јога.
