Ангела Младеноска, која стои зад брендот AngieM, ја презентираше својата нова летна колекција „Ocean mystique”, која содржи костими за капење и облека за на плажа.
„Боите кои пленат под океанските води, животинскиот свет, прекрасниот пејзаж на различни бои и чувството на безгрижност се инспирација на оваа колекција“ – вели Младеновска.
„Оваа колекција е спој на рачно изработени дводелни и едноделни костими за капење со впечатливи врвки, како и плетени бикини модели кои се секогаш во центарот на вниманието. Како ‘јаготка на шлагот’ додадовме и рачно изработени фустани кои целосно ќе го заокружат летниот изглед на модерната, софистицирана дама која сака да изгледа елегантно и префинето за време на дневните и вечерни уживања на плажа или безгрижните летни прошетки“ – додава Ангела.
Новата колекција сега е достапна на е-шопот https://angie-m.com/, како и на социјалните мрежи Instagram и Facebook.
Нурнете во летните води со стил!
