Сите луѓе флертуваат. Некои за да го освојат оној со којшто посакуваат да се во врска, други за да го задржат вниманието на својот партнер, а трети едноставно за забава.
Научниците сметаат дека флертувањето не само што решава дали ќе започнете врска со некого, туку и влијае на тоа каков тип на врска ќе имате.
Мажите и жените кои употребуваат физичко и игриво флертување најчесто имаат кратка и несериозна врска
Истражувачи од Универзитетот во Канзас спровеле истражување во кое учествувале 5100 мажи и жени. Тие откриле дека постојат 5 типа на флертување и дека начинот на флертување одредува каква врска ќе имате.
- Физичко флертување. Овој тип на флертување вклучува искажување на сексуален интерес кон потенцијалниот партнер. Луѓето кои избираат физичко флертување брзо ја развиваат врската и имаат поголема сексуална хемија.
- Традиционално флертување. Луѓето кои практикуваат ваков тип на флертување веруваат дека жените не треба да трчаат по мажите и дека секогаш мажите треба да го прават првиот чекор. Традиционалните жени често имаат проблеми да го задржат вниманието на мажот, многу ретко флертуваат и не им годи многу кога некој флертува со нив. Традиционалните мажи често ја познаваат потенцијалната партнерка подолго време пред да се решат да ѝ пријдат.
- Учтиво флертување. Овој стил на флертување се фокусира на добри манири и несексуална комуникација. Оние кои практикуваат ваков стил поретко му пријдуваат на потенцијалниот партнер, не им ласка флертувањето, но имаат силни врски.
- Искрено флертување. Се базира на создавање на емоционална поврзаност и покажување на искрен интерес. Врските кои се создаваат како резултат на ваквиот тип на флертување вклучуваат силна емоционална поврзаност и сексуална хемија.
- Игриво флертување. Се користи од луѓе кои немаат интерес за долга врска. Тие сметаат дека флертувањето е забавно и дека ја зголемува нивната самодоверба. Оние кои практикуваат игриво флертување, најретко создаваат силна длабока врска со партнерот.
Истражувачите сметаат дека мажите и жените кои употребуваат физичко и игриво флертување најчесто имаат кратка и несериозна врска, а оние кои користат учтиво и искрено флертување најчесто привлекуваат партнери со кои ќе останат подолго време.
