Опсесијата на Британците со купување евтина облека ги однесе на врвот на листата на најлошо облечени во Европа. Тоа го покажа анкета на познатиот сајт за онлајн купување Ciao, а во која учествувале претставници од 7 држави.
Дури 44% од анкетираните ги посочиле Британците како народ со најлош вкус за облекување, а со 33% Германците застанале на второ место.
Сигурно претпоставувате, Италијанците ја добија титулата за нација со најмногу стил. Само 3% од учесниците во истражувањето изјавиле дека Италијанците се облекуваат лошо.
Британците трошат и најмалку пари за облека, под 100 евра месечно. Во Германија 58% од луѓето трошат по 100-200 евра месечно за облека, а во Шпанија изненадувачки 6% изјавиле дека за облека издвојуваат од својот буџет повеќе од 500 евра месечно.
Учесниците во истражувањето со 36% ги определиле Барак и Мишел Обама како најдобро облечен пар за 2010 година. Анџелина Џоли и Бред Пит добиле 26% од гласовите, а зад нив на трето место застанале Дејвид и Викторија Бекам со 14% од гласовите.
