Модерна бабичка од Хрватска привлече огромно внимание. 80-годишната Ливија стана интернет сензација по трансформацијата со шминка од својата внука, која е мејкап артистка.
Теа Флего на својот профил на Instagram постојано споделува видеа покажувајќи ги своите вештини и моќта на шминката. Откако објавила кратки видеа и фотографии од шминката на својата баба, Флего била изненадена од популарноста и фидбекот кој го добила од своите следбеници.
За кратко време, фотографиите од Ливија се распространија ширум светот.
Флего изјавила дека уште од мали нозе сакала да биде мејкап артистка и често вежбала на баба си. „Баба ми секогаш ми беше модел. Таа отсекогаш сакаше шминка и тоа не беше проблем за неа“ – рекла таа.
„Со малку вештини и добро контурирање, можеш да направиш чудо“ – вели Теа.
„Таа е модерна бабичка. Сака да се шегува, многу е мила, друштвена и знае да препознае убави нешта. Таа не се срами од своите брчки и возраста“ – се зборовите со кои Флего ја опишува својата бабичка.
Ливија сега живее во дом за стари лица. Таа има пет деца, 12 внуци и 12 правнуци. „Колку е убаво да го пропатуваш целиот свет, а да не направиш ниту чекор надвор од домот“ - вели таа.
