Мајките би направиле сè за да ги видат среќни своите деца. Жена од Чикаго ќе ѝ го подари на ќерка си најубавиот подарок на светот – детенце.
Имено, Џули на 51 година е бремена и го носи првото дете на својата ќерка Бреана, која долги години се бори со неплодност.
Оваа прекрасна приказна ја сподели среќната Бреана заедно со две фотографии.
Прочитајте ја целата порака:
Велат „Потребно е цело село за да се одгледа едно дете“, но за некои потребно е цело село за да се ДОБИЕ дете...
Среќни сме што објавуваме дека конечно НАШЕТО БЕБЕ е на пат!
Направено со многу љубов и малку наука...
Бебето Локвуд ќе дојде на овој свет со помош на сурогат-мајка, а жената којашто го носи ова мало чудо е специјална личност.
МОЈАТА МАЈКА.
Мајка ми го носи и ќе го роди нашето бебе!
Најголемиот поддржувач во мојот живот ќе ни го даде најголемиот благослов. Мојата прекрасна мајка го носи своето прво внуче.
Надминувајќи ги шансите на 51-годишна возраст, таа ги поместува границите на репродуктивната медицина, како ЕДНА од неколкуте сурогат-мајки во светот која ќе го донесе своето внуче на овој свет.
Обидите и турбуленциите на неплодноста беа несомнено најтешкиот потфат со кој моравме да се соочиме во нашите животи.
Накратко тоа вклучуваше:
1.311 денови
476 инјекции
64 земања на крв
7 хируршки зафати
3 пункции на јајце клетки
19 замрзнати ембриони
8 ИВФ трансфери на замрзнати ембриони
4 неуспешни трансфери на ембрион
1 спонтан абортус
1 спонтан абортус на близнаци
1 ектопична бременост
Безброј солзи
Споделувањето на оваа авантура со мајка ми е најуникатното и најневеројатното искуство. Сурогатството е навистина најнесебичниот подарок. Тоа е чист пример за тоа дека човек би направил сè за своите деца. И ако јас успеам да бидам барем половина мајка од тоа што ми е таа мене, ќе знам дека правам нешто како што треба.
Бреана цели да ја подигне свеста кај луѓето за неплодноста и вели дека таа се случува многу почесто отколку што си мислиме. Еден на осум парови се бори со неплодност. Голема е веројатноста тоа да е некој кој го познавате.
„1 на 8 парови, 7,4 милиони луѓе, некој кој го познавате, некој како мене. Не се срамете од вашата приказна, таа ќе ги инспирира другите“ - пишува таа.
