Игор Џамбазов со огромни емоции ја отпеа песната „Ако утре ме нема“ од ДНК.
Македонскиот пејач напиша дека песната со денови го прогонувала, па реши да ја отпее во чест на жртвите во пожарот во Кочани.
Во описот, Игор напиша:
Песнава ме прогонува.
Со денови наназад ми дише во врат.
Како потстанар да ми е во мозокот.
Како краста што не зараснува.
Како доказ за бесмисленоста на животот.
Како опомена за идните генерации.
Почивајте во мир деца наши...
Пред неколку дена, Игор со емотивен пост се збогуваше со својот пријател Андреј од ДНК.
Прочитајте ја неговата порака објавена на социјалните мрежи:
Пријателе...
Немам зборови.
Не можам ниту да говорам, ниту да пишувам.
Уште помалку да пеам.
Онемев.
Ослепев.
Оглувев.
Оглупавев.
Снеможев.
Андрејчук, малкумина има како тебе.
Ти беше од таа специјална сорта. Добри луѓе. Посебни луѓе што би се жртвувале секогаш, за секого, и во секоја прилика.
И кога ќе се видиме горе, ќе си го завршиме муабетот што го почнавме на новогодишната ноќ, кога заедно настапувавме пред среќната публика. Таа, публиката, никогаш нема да те заборави. Јас уште помалку...
Сонувај спокојно...
Ужасната трагедија, која одзеде 59 животи на млади наши сограѓани, се случи на 16 март во дискотеката „Пулс“ во Кочани.
