Во „Клиника Жан Митрев“ шест прекрасни бебиња донесоа неопислива радост и возбуда. Медицинскиот тим, кој со посветеност и љубов се грижеше за мајките и новороденчињата, не го криеше своето воодушевување. Лекарите, сестрите и акушерките со гордост сведочеа на овие први моменти од животот, исполнети со топлина и надеж.
„Особена чест и задоволство ни е што нашиот искусен тим гинеколози акушери, педијатри, анестезиолози и неонатолошки сестри денеска се погрижија за дури 6 бебиња. Радоста навистина се раѓа во нашиот Центар за мајка и бебе. Им посакуваме на сите безгрижно детство“ - порачуваат од „Жан Митрев“.
Родителите, со срца преполни со љубов, ги пречекаа своите малечки, а насмевките на нивните лица беа најубавиот доказ за вистинската магија на животот. Во овој посебен ден, клиниката не беше само медицинска установа – беше дом на нови почетоци, нови соништа и неискажлива среќа.
