Обично кога славните личности одат на одмор, се обидуваат да се сокријат од фото-репортерите и папараците. Но, семејството Кардашијан е приказна за себе, бидејќи живее и заработува од присуството во медиумите.
Па, кога големото познато семејство оди на одмор, тоа не вклучува криење, прошетки во лежерна облека, лежење на песокот и шлапкање во водата без грам шминка.
Наоружани со модерна облека за на плажа, многу шминка и многу модни додатоци, телевизиските ѕвезди уживаа во Доминиканската Република, каде што снимаа нови епизоди за нивното реално шоу „Keeping Up With The Kardashians“.
„Си поминавме најубаво, релаксирајќи се“ – изјавила Ким за Us Weekly.
Додека Ким и останатите девојки лудо се забавувале, бремената Кортни го забавила темпото и повеќе време поминувала со својот долгогодишен партнер Скот. „Таа е малку поголема од мене, но сè уште изгледа прекрасно“ – изјавила Ким за својата сестра. „Скот е многу заштитнички настроен кон Корт сега“ – објаснил близок до семејството.
На луксузниот одмор заедно до Ким и Кортни бил и нивниот брат Роберт и нивните полусестри Кајли и Кендал со свои пријателки. Се разбира, одморот не поминал и без 56-годишната мајка на Ким, Крис Џенер, која на фотографиите воопшто не изгледа како да навлегла во шестата деценија од животот.
56-годишната Крис Џенер
