Терин Менинг јавно ја искритикува својата стилистка Чаниел Браун за фустанот кој го избрала за неа за доделувањето на SAG Awards.
Ѕвездата од популарната серија „Orange Is the New Black“ очигледно не беше одушевена што креацијата која ја носеше на црвениот тепих чини „само“ 200 долари. „Сакам да бидам во фустан за супер ѕвезда“ – изјави таа.
Во видео снимено од TMZ, новинар ѝ кажува на Терин дека му се допаднал нејзиниот фустан од 200 долари и дека изгледаше кул, а таа револтирано му возвраќа.
„Не, тоа не е кул. Лошо е што стилистката не ми го кажа тоа. Сега секој може да си го дозволи, тоа е она што е кул, но не е добро за мене. Сакав да бидам во фустан за супер ѕвезда“ – вели разлутената актерка.
„Дизајнерката доби многу публицитет, па треба да ми плати многу пари“ – додава таа.
Фустанот е дело на брендот Adrianna Papell.
