TAG Heuer и Porsche, неприкосновени икони на дизајнот, квалитетот и иновацијата, патуваа паралелно со децении и неретко имаа допирни точки, но дојде време да се обединат на иста патека.
Првиот заеднички чекор на реномираните брендови беше одбележан со креирањето на часовникот TAG Heuer Carrera Porsche Chronograph кој ќе биде обожаван од спортските ентузијасти.
„Овој хронограф навистина е извонреден пример за координација, здружување и соработување. Она што го сакам кај овој часовник е што е Carrera спортски хронограф збогатен со суптилни и елегантни дизајнерски кодови на Porsche“ – рече Фредерик Арно, CEO на TAG Heuer.
TAG Heuer Carrera Porsche Chronograph е 44-милиметарски хронограф кој синтетизира елементи од универзумите на луксузниот швајцарски часовничарски бренд и германскиот производител на спортски автомобили.
Логото на Porsche е изгравирано на керамичката рамка на куќиштето, додека боите карактеристични за брендот (црвена, црна и сива) се инкорпорирани низ дизајнот.
Основата зад бројчаникот, која имитира текстура на асфалт и е креирана специјално за овој часовник, совршено ја изразува страста за возење додека арапските броеви што ги означуваат минутите асоцираат на контролната табла на автомобилите на Porsche.
Срцето на часовникот се ѕирка преку транспарентната задна страна на куќиштето, а највпечатливиот елемент е на одреден начин омаж на воланот типичен за Porsche.
Часовникот е презентиран или на меко ремче од луксузна кожа со иновативни шевови кои алудираат на ентериерот на Porsche или на челично ремче.
Официјалното партнерство е на стартна линија, но е изградено на стабилна основа. Тоа е пријателство кое ги рефлектира соништата и аспирациите на визионерските семејства кои стојат зад двата најдинамични луксузни бренда.
Соработката беше лансирана со виртуелен настан:
Комерцијален текст
