ФОТО: Невестинските фустани од високата мода на Ели Сааб низ годините

Ели Сааб недискутабилно е еден од омилените дизајнери на женска облека. Талентираниот Либанец долги години ротира околу успешната формула која обединува елеганција, гламур, раскош и префинетост, а тоа резултира со зашеметувачки привлечни фустани во кои секоја дама би се почувствувала специјално.

Ревиите за високата мода на Сааб секоја сезона финишираат со незаборавна венчаница. Фасцинантните фустани достојни за кралици восхитуваат со комплексноста и безбројните детали. Фактот што се изработени рачно и што во секоја од нив се вложени стотици часови работа, ги прави уште поимпресивни.