Дали го мразите звукот на алармот за на работа? Дали преку неделата почесто чувствувате главоболка? Дали кога ќе дојде петок вечер имате чувство дека сте слободни и посреќни?
Ако одговорот е да, тогаш вие сте дел од многуте луѓе кои што се под влијание на т.н. викенд ефект.
Викенд ефектот прави луѓето да имаат подобро расположение, помалку болки и подобро психичко и физичко здравје од петок навечер до недела попладне. Тоа е заклучокот од ново истражување за варирањето на расположението кај возрасните вработени лица.
Докажано: луѓето се посреќни за време на викендите.
„Работниците, дури и оние со интересна и високо платена работа, се посреќни за време на викендите“ – изјавил Ричард Риан, професор по психологија на Рочестер универзитетот.
Ова истражување, во кое учествувале возрасни лица од 18 до 62 години, само ја докажа теоријата дека слободното време е многу важно за добрата физичка и психичка состојба на едно лице.
Заклучокот бил дека луѓето се чувствуваат подобро за време на викендите без разлика колку пари заработуваат, колку часа работат неделно, какво е нивното образование, каква е нивната професија или дали се мажени, сингл или разведени. Причината за таквата појава е тоа што луѓето викендите ги асоцираат со повеќе слобода и можност за зближување со пријателите и најблиските.
