Македонците ја „преживеаја“ синоќешната елиминација во „X Factor Adria“. Публиката им даде најмалку гласови на Маја Новаковиќ и групата 4U. По музичкиот двобој, жирито одлучи да ги зачува четирите девојки и Маја го напушти шоуто.
Даниел Кајмакоски се претстави со „Чија си“ од македонската музичка легенда Тоше Проески. Големиот балкански хит не се покажа како преголем залак за шармантниот Македонец и публиката уживаше во одличен настап.
Жељко Јоксимовиќ ги разбранува социјалните мрежи откако искоментира дека Даниел за првпат запеа на својот мајчин јазик, кога всушност „Чија си“ е на српски. Сепак, набрзо по гафот, тој јавно се извини за грешката и најави дека Даниел допрва ќе пее песна на македонски јазик.
Дуото H2O сочинето од Фифи и Маринела Џогани настапи со „Monday Morning“ од Мелани Фиона. Нивниот настап поттикна позитивни коментари од жирито поради позитивната енергија која ја донесоа на сцената.
