Спасувачите успеаја да извлечат осум лица кои виселе на жичара во Пакистан на височина од над 270 метри.
Двајца возрасни и шест деца оделе на училиште кога се скинал кабел и тие биле заробени во кабината над провалијата. Операцијата за нивното спасување траела околу 14 часа и за среќа била успешна.
„Ми олесна што сите деца беа успешно и безбедно спасени. Одлична тимска работа од војската, единиците за спасување, окружната администрација како и локалното население“ – напиша привремениот премиер Анваар-ул-Хак Какар.
Родителите на децата и останатите членови на семејствата сега можат да издишат со олеснување. Тие со часови се грижеле затоа што голем дел од децата повраќале и не се чувствувале добро.
Силниот ветер ја отежнал мисијата во текот на денот, а по паѓањето на ноќта хелокоптерите морале да се повлечат. Тука стапиле во акција и локалните жители кои ѝ помогнале на војската преку зип лајн да ги спасат останатите деца.
YAY! They made it! ALL children and adults have been rescued from a dangling cable car in Pakistan. What an inspiring conclusion after 12+ hours since cables snapped. LOVE to everyone involved, brave citizens, experts and the military: Thank you! #BattagramRescue pic.twitter.com/sT12NeRGpP
— Yemi BabingtonAshaye (@yemibabington) August 22, 2023
