Австралија направи голем чекор и изгласа закон со кој им се забрануваат социјалните мрежи на децата под 16 години. Предвидени се казни до 32 милиони долари за компаниите кои нема да ги почитуваат новите правила.
Законот ги принудува технолошките гиганти кои стојат зад мрежи како Instagram, Facebook, TikTok, Snapchat... да не им дозволуваат на младите да креираат профили, зашто во спротивно ќе се соочат со казни.
Тестирањето на оваа забрана ќе започне во јануари, а по една година, забраната ќе биде целосно спроведена.
Ова е прв закон од ваков тип во светот и поттикна многу дебати, особено меѓу младите луѓе кои сметаат дека им се гуши креативноста и им се блокираат можностите.
Што мислите вие? Дали законот ги штити младите или ги ограничува нивните можности?
