Во соработка со Црвениот крст на Република Северна Македонија, компанијата КАМ доо летово дистрибуираше донации за 675 социјално загрозени семејства низ нашата земја (Битола, Валандово, Радовиш, Ресен, Струмица, Тетово, Гази Баба, Кисела Вода, Карпош, Илинден и Аеродром). Социјалните пакети беа со единечна вредност на пакетот од околу 1000 денари, или вкупно 10.222 евра, односно 633.825 денари.
Нашата компанија продолжува да соработува и со уште 18 општини на ниво на Р.С.Македонија, заеднички да им се помогне на загрозените и да им се пружи безрезервна поддршка на уште 1200 семејства, со вкупна донација во износ од 18.174 евра односно 1.126.800,00 денари.
Доставени се 1020 донации со пакети со храна и средства за хигиена во вкупна вредност од 957.780,00 денари (15.500 евра) до домовите на социјално загрозени семејства во следните 16 општини: Штип, Кавадарци, Велес, Гостивар, Дебар, Кичево, Кочани, Крива Паланка, Куманово, Гевгелија, Неготино, Струга, Сарај, Бутел, Чаир и Ѓорче Петров.
Во тек е поделба на донации и за социјално загрозени семејства за Општина Прилеп и Општина Охрид во вредност од 169.020 денари.
За повеќе институции, КАМ обезбеди донации во вид на 570 ваучери за пазарување во вредност од по 1000 денари или вкупно 570.000 денари (односно 9200 евра) за да им помогне и да им го олесни работењето на 570 вработени во инфективните одделенија во општите болници, кои деноноќно се ангажирани во борбата против корона пандемијата и последиците по здравјето на граѓаните на нашата земја.
До сега поделени се 481 ваучери за пазарување во вредност од по 1000 денари во вкупна вредност од 481.000 денари (односно 7760 евра) за вработените во инфективното одделение кои се најдиректно инволвирани во борбата со вирусот COVID-19 во следниве здравствени установи: Универзитетска Клиника за инфективни болести Скопје, Градската општа болница „8. Септември“, Центарот за јавно здравје Скопје, ЈЗУ Гостивар , ЈЗУ Дебар, ЈЗУ Кичево, ЈЗУ Струмица, ЈЗУ Охрид, ЈЗУ Прилеп, ЈЗУ Штип и ЈЗУ Велес.
Во тек е поделба на уште 89 ваучери во вредност од по 1000 денари или вкупно 89.000 денари (1435 евра) за 89 вработените во инфективните одделенија на следниве здравствени болници: ЈЗУ Битола, ЈЗУ Кавадарци, ЈЗУ Куманово и ЈЗУ Тетово.
Како општествено одговорна компанија, КАМ доо настојува да дејствува во склад со локалната заедница и да има слух за нејзините потреби, а тие вредности особено доаѓаат до израз во вонредни ситуации, кога е неопходно да се биде присутен, солидарен и да им се пружи поддшка и помош на оние на кои во овој период имаат клучна улога во грижата за целото општество.
Соодветно на потребите, КАМ доо и понатаму ќе продолжи да им помага на сите институции и поединци коишто имаат потреба, а кои цело време неуморно и несебично се трудат да ја работат својата работа најдобро што умеат во спречувањето на ширењето на пандемијата и давањето помош на оние на коишто таа им е потребна.
КАМ ќе продолжи да дејствува за општото добро, како дел од спроведувањето на стратегијата на општествено одговорно работење и хуманитарно делување, и во склад со тоа компанијата веќе во текот на август ќе реализира натамошни донации.
