На 21.12.2024, во студената саботна вечер, се одржа традиционалниот концерт „Виена во Битола“, кој претставува предновогодишен симбол на Битола. Овој децениски културен настан, организиран од Битолскиот Камерен Оркестар ⋮IWConnect во соработка со Центар за култура Битола, уште еднаш ja започна претпразничната магија.
На сцената настапија извонредните сопрани Биљана Јосифов и Елеонора Џоџоска-Младенова, додека пак извонредните балетски играчи Марија Кичевска, Francisko Gimenez Ruiz (Шпанија), Мими Поп-Алексова, како и истакнати солисти од Националната Опера и Балет, и мешаниот хор КУД „Стив Наумов“ направија филмска бајка на сцената. Придружени од Битолскиот Камерен Оркестар под диригентската палка на Владимир Димовски, двата концерти Виена во Битола ги освоија срцата на публиката и го означија почетокот на празничната сезона во Битола.
Салата беше исполнета до последното место, што сведочи за огромниот интерес и љубовта на битолската публика кон овој настан. Картите за двата концерта, кои беа пуштени во продажба уште пред два месеца, беа распродадени во рекордни два дена.
Концертот „Виена во Битола“ уште еднаш потврди дека има моќ да ги собере сите генерации на едно место, музички спектакл кој ја збогатува традицијата на градот и внесе празнична радост и топлина во срцата на сите присутни.
За повеќе фотографии и информации за настаните на Битолски Камерен Оркестар ⋮IWConnect, заследете ги профилите на социјалните мрежи на Facebook и Instagram.
