Филип Кузмановски постојано освојуваа нови и нови симпатии на теренот, но и надвор од него.
Вчера одекна веста дека капитенот на машката ракометна репрезентација на Македонија купил влезници за македонски навивачи коишто немале билети за да влезат во салата во Вараждин. Пред мечот со Гвинеја, Кузмановски им овозможил на 40 фанови во живо да го проследат натпреварот.
Филип постигна 31 гол и имаше 9 асистенции на трите одиграни натпревари.
Неговата сопруга Моника сподели слатка фотографија од нивното мало синче додека го следи натпреварот на татко му.
„За тато, од мали нозе“ – стои на фотографијата.
Филип и Моника станаа родители во октомври минатата година. Нивното синче го доби името Матијан.
