Облека за новогодишната ноќ

Новогодишните празници се приближуваат и не е рано да започнете да размислувате што ќе носите за долгоочекуваната ноќ. Пред да тргнете низ бутиците без идеја што барате, најдобро е да размислите како би сакале да изгледате.

Еве неколку комбинации кои би можеле да ви послужат како идеја при изборот на вашата празнична облека.

Кратките панталончиња во комбинација со високи чизми се подеднакво атрактивни и оваа година. Ако решите да бидете облечени од глава го петици во црно, внесете боја во вашиот изглед преку лакот за нокти, накитот и/или шминката. Црната боја е класика. Ако се подготвувате за поофицијална прослава, никогаш нема да погрешите доколку му се доверите на малото црно фустанче.

Ако решите новата година да ја пречекате на плоштад или во домашна атмосфера со друштво, изберете ваква комбинација. Ќе ви биде удобно и нема да изгледате премногу официјално. Темно-сината боја стана хит оваа сезона. Доколку сакате едновремено и да ги следите последните модни тенденции и да изгледате новогодишно облечени, изберете ги сребрената и темно сината боја.

Ако изберете комбинација како на сликата, ќе добиете удобност, а тоа е најважно за најдолгата вечер. Само така ќе можете целосно да ѝ се препуштите на забавата. Совршена е за дочек во кафуле или со друштво во домашна атмосфера. Оваа комбинација е идеална за дочек и во кафеана и во кафуле. Црвената боја се асоцира точно со новогодишните празници, па ако сакате да блеснете на прославата изберете ја оваа боја.