Шарлиз Терон стана мајка. Претставник на русокосата убавица потврди дека таа посвоила момче.
„Таа е горда мајка на здраво момче кое се вика Џексон“ – пишувало во соопштението за јавноста.
Џексон е првото дете на 36-годишната актерка. Колку што е познато, во моментов таа не е во врска. Минатата година Шарлиз ја заврши својата 10-годишна врска со Стјуарт Таунсенд и призна дека за првпат во животот е сингл, но дека тоа ѝ годи.
Немањето љубовен партнер не ја спречи Терон да си ја оствари желбата да стане мајка. Претходно таа отворено имаше проговорено дека сака дете и дека посвојувањето е опција која не ја исклучува.
„Сакам бебе. Ако се случи утре, ќе бидам многу среќна“ – изјавила таа. Кога била запрашана дали би посвоила како самохрана мајка, Шарлиз потврдила. „Зошто да не? Отворена сум за сè во животот. Има толку многу непосакувани деца на овој свет и наша работа е да се грижиме за нив“ – додала таа во интервју за германскиот „In Touch“.
