„Среќна сопруга, среќен живот. Тоа е слоганот“ – изјави неодамна Хју Џекман.
Очигледно славниот актер го има рецептот за успешен брак. Џекман и неговата сопруга Дебора-Ли Фернес негуваат една од најстабилните врски во Холивуд.
И покрај разликата во години и покрај проблемите со неплодноста и спонтаните абортуси, парот остана заедно, за сега да ја прослави 20-годишнината од бракот.
47-годишниот актер и 60-годишната актерка беа фотографирани на одмор на Карибите, додека го прославуваа значајното постигнување на личен план. Широките насмевки и јазикот на нивните тела јасно говори за нивната блискост.
Хју ја запозна Дебора за време на снимањето на ТВ шоу во Австралија. Тие стапија во брак на 11 април 1996 година. По два спонтани абортуси, парот посвои две деца – Оскар и Ава.
За да го одбележи големиот ден, Хју сподели на Instagram фотографија од свадбата.
„Таа е најневеројатната жена која ја познавам“ – призна во една прилика ѕвездата од филмовите „X-Men“.
