Одбележувањето на Ноќта на вештерките во Холивуд оваа година започна порано. За време на викендот се одржаа многу забави и славните лица се трансформираа со помош на маски.
Можеби најголемо внимание привлече страсната обожавателка на Халовин, Хајди Клум. 38-годишната манекенка се појави како труп без кожа на забавата организирана од неа во ноќен клуб во Лас Вегас.
Пред објективите на бројните фотографи, Хајди беше донесена на болничка количка и прекриена со бел чаршаф, но подоцна се исправи покажувајќи го обоеното тело. За да биде ситуацијата пореалистична, Клум беше придружена од двајца доктори со крвави мантили.
Дека Хајди е голема обожавателка на празникот говори фактот што таа и нејзиниот тим започнале со создавање на костимот уште во јули. Сите детали на костимот биле исцртани рачно, а биле потребни уште дополнителни три часа за мејкап артист да го финишира изгледот.
Гвен Стефани се претвори во Дизни принцеза. 42-годишната пејачка и дизајнерка изгледаше волшебно во улогата на Пепелашка.
Ким Кардашијан и за Халовин не пропушти да ги акцентира своите облини. 31-годишната телевизиска ѕвезда се маскира во многу секси верзија на ликот Отровната Ајви.
Ким Кардашијан
Ким Кардашијан и нејзиниот пријател Џонатан Чебан
Џесика Алба се претвори во вештерка, а нејзиниот сопруг, Кеш Ворен, стана рагби играч.
Џесика Алба и Кеш Ворен
