Невестинскиот фустан на Ким Кардашијан беше една од главните теми кои медиумите ги обработуваа во изминативе месеци, а сега конечно шпекулациите околу фустанот може да прекинат и да се види што навистина Ким избра за нејзиниот голем ден.
30-годишната старлета имаше не еден, туку три фустани за гламурозната прослава, а списанието People плати 1,5 милиони долари за да обезбеди ексклузивни фотографии од сите нив.
И трите фустани беа дизајнирани од Вера Ванг, чиишто невестински фустани секогаш допираат до срцата на невестите.
Фустанот со кој Ким зачекори на самото венчавање беше во стилот на Пепелашка, со тесен корсет и раскошен тул.
„Беше Пепелашка. Но, Пепелашка со многу секси тело. Таа има тело од типот на Лиз Тејлор или Софија Лорен и не сакавме да го изгубиме тоа“ – изјавила Ванг.
Другите два фустани беа помалку раскошни, но не помалку елегантни. И двата имаа форма на сирена, едниот со раскошна „опашка“, а другиот сатенски и поелегантен. „Сакав да постигнам изглед како од стариот Холивуд“ – изјавила Ким.
„Беше како во рајот“ – со овие зборови познатата Кардашијан ја опиша свадбата во своето скапо интервју за People.