Супермоделот Кејт Мос се омажи за рокерот Џејмс Хинс. 37-годишната манекенка го изговори судбоносното „Да“ на свечена церемонија во мирно село во Англија.
Џејми, Кејт и нејзината ќерка
Откако беа прогласени за сопруг и сопруга, Кејт и Џејми позираа пред црквата опкружени со 15 девојчиња, меѓу кои и 8-годишната ќерка на Мос, Лила Грејс.
Среќната невеста носеше фустан во крем боја во винтиџ стил, за кој се верува дека е дизајниран од нејзиниот добар пријател Џон Галијано, а Маноло Бланик за Кејт создаде специјални свадбени обувки. Нејзиниот сопруг за свечената церемонија избра светло син костум од Ив Сен Лорен.
Свадбената прослава ќе трае цел викенд и се очекува на неа да присуствуваат 300 гости, па поради тоа медиумите ја нарекуваат и „Mosstock“. Ако се прашувате колку ќе чини, се шпекулира дека Мос и Хинс ќе одделат преку 550 000 евра за свадбениот викенд.
Кејт и нејзиниот татко се упатуваат кон црквата
Парот се запознал во 2007 година, само неколку месеци откако Кејт раскина со музичарот Пит Доерти. Кејт и Џејмс се свршија во февруари оваа година.