Згодната девојка од спотот на хитот Uptown Girl денес изгледа исто толку привлечно како и во 1983 година. Кристи Бринкли има 57 години, но тешко кој би поверувал дека се ближи кон 60-тата година од животот.
Вчера таа гостуваше во Good Morning America за да го промовира мјузиклот Чикаго. Прекрасниот супермодел ќе ја преземе улогата на Рокси во Бродвеј верзија на мјузиклот Чикаго, па во емисијата покажа дел од нејзината кореографија.
Облечена во тесен црвен фустан на Herve Leger, Кристи ги освои погледите и најверојатно си осигури бројна публика на нејзините настапи. Во интервјуто таа изјави дека танцувањето за мјузиклот ѝ помогнало да си го обликува телото, но оние коишто ја пратат нејзината кариера добро знаат дека таа отсекогаш изгледала феноменално.
Кристи зад себе има 4 брака, од кои еден со Били Џоел, и е мајка на 3 деца. Нејзината убавина ја постави меѓу најбараните модели и таа се има појавено на над 500 корици на списанија.
Еве го гостувањето на Кристи во Good Morning America:
