Адријана Лима и Марко Јариќ го очекуваат своето второ дете. 30-годишната бразилска убавица ја соопшти радосната вест и на Facebook.
„Мојата најомилена работа на цел свет е да сум мајка! Моето семејство е пресреќно што може да ви ја соопшти оваа вест!“ – напиша таа и објави линк до веста за нејзината бременост објавена на People.
Лима, која е мајка на двегодишната Валентина, за People изјавила: „Целото семејство е многу возбудено, особено Валентина. Постојано испраќа бакнежи кон мојот стомак и вели – бакнежи за бебето“.
Марко, Адријана и Валентина
Лима и кошаркарот Јариќ се запознале во 2006 година и познатата манекенка веднаш знаела дека тој е мажот на нејзиниот живот. „Знаев дека тој е вистинскиот и можев да се замислам мажена за него и со големо семејство“ – изјавила таа за првата средба.
Заљубениот пар стапи во брак на Св. Валентин во 2009 година. Набрзо по нивниот меден месец тие се израдуваа со веста за првата бременост на Лима.