Роберт Патинсон ќе ги рекламира машките парфеми на Кристијан Диор. Според E! News, 26-годишниот актер потпишал тригодишен договор со француската модна куќа, а се проценува дека за своите услуги ќе добие неверојатни 12 милиони долари.
Со овој потег Роберт им се придружува на Натали Портман, Џад Лоу и Шарлиз Терон, кои досега ги популаризираа козметичките производи на Диор.
Пред успешно да започне актерска кариера, Патинсон се обидел да се пробие како модел на 12-годишна возраст, но брзо се откажал. „Кога започнав, бев многу висок и изгледав како девојче, па добивав многу ангажмани, бидејќи тоа беше период кога андрогиниот изглед беше кул. Потоа, претпоставувам дека станав премногу момче, па не ме ангажираа. Ја имав најнеуспешната кариера како модел“ – изјавил тој.
Информацијата за соработката со Диор сè уште не е потврдена ниту од модниот бренд, ниту од Патинсон.
