Раперот Псај и официјално е новиот крал на YouTube, откако го турна од тронот Џастин Бибер. Мега популарниот спот за „Gangnam Style“ вчера стана најгледано видео на YouTube, надминувајќи го по број на прегледувања спотот на Џастин Бибер за песната „Baby“.
„Gangnam Style“ за помалку од пет месеци привлече над 815 милиони кликови, додека видеото на Џастин за „Baby“ од 2010 година досега има над 804 милиони прегледувања.
Хитот „Gangnam Style“ држи уште еден YouTube рекорд и тоа за најлајкувано видео кога било поставено на YouTube. Спотот на Псај досега има над 5,4 милиони „лајкови“ и само 330 илјади „дислајкови“. Од друга страна, спотот на Џастин за „Baby“ има само 1,4 милиони „лајкови“ и 3,2 милиони „дислајкови“.
Се претпоставува дека „Gangnam Style“ ќе стане првото YouTube видео кое ќе достигне 1 милијарда прегледувања, некаде околу 11 декември.
Потсетете се на магијата на „Gangnam Style“:
А еве го и хитот на Џастин Бибер: