Синоќа Лос Анџелес беше домаќин на 68-то по ред издание на доделувањето на престижните Еми награди. Манифестацијата се одржа во театарот „Микрософт“ и собра врвни ѕвезди од телевизиската индустрија.
„The People v. O.J. Simpson: American Crime Story“ беше големиот победник на вечерта. Вистинската криминална приказна се закити со пет статуетки, меѓу кои за Најдобра мини-серија. За својата улога во истата серија, Сара Полсон доби награда за Најдобра актерка во мини-серија или филм, додека Кортни Б. Венс беше прв во категоријата Најдобар актер во мини-серија или филм.
Рајан Марфи, продуцент на серијата „The People v. O.J. Simpson: American Crime Story“
Кортни Б. Венс
Сара Полсон
Хит-серијата „Game of Thrones“ се покажа како најуспешна во три категории, но најзначајна е статуетката за Најдобра драмска серија.
„Veep“ повторно беше избрана за Најдобра ТВ серија комедија.
За Најдобар актер во ТВ серија комедија беше избран Џефри Тембор за „Transparent“, а честа да се нарече Најдобра актерка во ТВ серија комедија ѝ припадна на Џулија Луис-Дрејфус од „Veep“.
Џулија Луис-Дрејфус
Џефри Тембор
За својата улога во серијата „Mr. Robot“, Рами Малек ја присвои статуетката за Најдобар актер во драмска серија, а Татијана Маслани беше прогласена за Најдобра актерка во драмска серија за улогата во „Orphan Black“.
Татијана Маслани
Рами Малек
Целосната листа на победници можете да ја најдете тука.
