Кога ја имате Лејди Гага за заштитно лице, треба да бидете подготвени работите да се малку чудни и нестандардни. Така, MAC Cosmetics сигурно знаеја дека Гага нема да направи стандардна гламурозна реклама за нивната линија кармини Viva Glam.
Најновата реклама на 24-годишната пејачка е елегантна, но и малку морничава. Во неа се покажуваат и црно-бели, и кадри во боја. Гага е прикажана зад завеса, а нејзиниот одраз се гледа во огледало кое е опкружено со черепи и чаша за мартини во која има златна рипка.
MAC Viva Glam линијата е создадена за хуманитарни цели. Гага и MAC собираат средства за помагање на борбата против сидата. Целта е до јули 2012-та да бидат собрани 250 милиони долари.
„Оваа година целта ми е да им помогнам на сите да преземат контрола врз ризикот од ХИВ/Сида со користење на кондоми и редовно тестирање. 100% од продажбите на Viva Glam одат за MAF (Mac Aid Fund). Досега MAF има собрано 202 милиони долари преку Viva Glam. Мојата цел е да постигнам нов рекорд во продажби и да добиеме вкупно 250 милиони долари до наредната Интернационална конференција за сида во јули 2012. Знам дека моите неверојатни обожаватели ќе ми помогнат во ова“ – изјавила Гага.
