Антониа Гиговска настапи на сцената на ревијата на Ива Спасовска во Скопје.
22-годишната пејачка носеше црн комбинезон со црни ракавици и впечатлив сребрен накит, кој внесе екстра доза гламур на нејзиниот стајлинг.
Гиговска сподели дека уживала во ревијата и дека си добила комплименти дека е многу убава трудница.
„Денес, уживав во ревијата ‘Ангел’ на Ива Спасовска и ја имав таа можност и да се појавам на сцената. Си добив и комплименти дека сум многу убава трудница, па си викам што било убаво да се прошеташ со стомаче. Да живее комбинезонот, немам сега многу избор“ – напиша таа во описот на фотографиите споделени на Instagram.
Антониа објави дека е бремена во јануари. Тогаш таа сподели и дека го прифати предлогот за брак од нејзиниот сакан Роберт Спасенцовски.
