Викторија Лоба објави нова песна и спот. Баладата „Херој“ е во етно стил и е комплетно напишана и продуцирана од композиторот Роберт Билбилов.
„Херој е песна која буди многу емоции, посветена на мој многу драг пријател и за сите вас кои имате свој херој во животот. Роберт Билбилов ја напиша и продуцираше во истиот ден, а јас ја испеав во еден здив. Би сакала токму оваа балада да остави белег кај љубителите на македонската музика. Ова е нешто ново и различно од мојата музичка палета која ќе биде дел од новиот албум“ – вели Лоба.
Видеозаписот е снимен на планината Водно од страна на Дарко Митев и продуциран од Даниел Јовески.
„Спотот го снимавме на најладниот ден во Скопје, навистина се заблагодарувам на целата екипа што на -10 целзиусови степени даде сè од себе за да направиме светско видео. Сигурна сум дека видеото ќе ви ги разбуди вашите емоции и ќе уживате во снежните пејзажи на скопско Водно“ – додаде Лоба.
