Шерил Кол е вистинска заводничка на фотографиите од нејзината фотосесија за британското издание на машкото списание „GQ“.
Облечена во црвени и црни креации со распетлани патенти, поп-пејачката позира со црвен кармин на усните, „зачаден“ поглед и „влажна“ фризура.
28-годишната убавица во интервјуто за списанието споделила дека со нетрпение чека да го сретне вистинскиот за да може да има деца. „Сакам деца. Опседната сум со бебиња. Се разбира дека сум мислела за бебешки имиња милион пати. Ми се допаѓа Елфи за мало момче. Знам дека за тоа сум на Земјата – да бидам мајка“ – признала таа.
Кога станува збор за мажите, Шерил открила дека е старомодна и дека никогаш не би го направила првиот чекор, дури и ако некој премногу ѝ се допаѓа. „Прилично старомодна сум. Јас сум стара романтичарка. Сакам да бидам освојувана“ – рекла таа.