Кери Бредшо од хит-серијата „Сексот и градот“ беше опседната со дизајнерски обувки. Па, некако беше логично Сара Џесика Паркер, која долги години ја популаризираше Бредшо на екраните, да се насочи кон создавање на своја модна линија.
Првата колекција од линијата „SJP“ ќе биде пуштена во продажба на крајот на следниот месец, но пред нетрпеливите обожавателки на стилот на Паркер да имаат можност да ги испружат рацете кон новите модели, откриено е како ќе изгледаат обувките. Фотографиите се направени во соработка со списанието на Опра Винфри „O Magazine“ и The Coveteur“.
Главен партнер на славната актерка при создавањето на колекцијата бил Џорџ Малкимас, CEO на дизајнерската куќа Маноло Бланик.
