Жизел Бундхен дефинитивно е најбогатиот модел на светот. Долгоногата Бразилка со години е најплатената манекенка, а нејзините колешки очигледно треба уште многу да учат за да можат да ѝ се доближат.
Списанието „Форбс“ ја објави новата листа на најплатени модели и очекувано Жизел е повторно на врвот. Второто место го делат Адријана Лима и Дауцен Крус со заработка од по 8 милиони долари, а веднаш зад нив се Кејт Мос, Кејт Аптон, Миранда Кер и Лиу Вен.
Жизел Бундхен
47 милиони долари
Во изминативе година дена, Жизел заработила околу 47 милиони долари. Голем дел од нејзиното богатство се должи на успехот на нејзината еко козметичка компанија Sejaa и профитабилните договори со компании како Pantene, Oral-B и Sky HDTV. Освен тоа, таа поседува дел од познатата бразилска компанија за обувки Grendane, а е и заштитно лице на H&M, Chanel и David Yurman.
Адријана Лима
8 милиони долари
Освен што самоуверено го чува статусот „ангел во Victoria’s Secret“, Лима е заштитно лице на Maybelline и Desigual, а соработува и со модни куќи како Живанши и Џејсон Ву.
Дауцен Крус
8 милиони долари
Дауцен, која неодамна го роди своето второ дете, има профитабилни договори со L'Oreal и Victoria’s Secret, но е добро платена и од брендови како Calvin Klein, H&M, Emilio Pucci и Miu Miu.
Миранда Кер
7 милиони долари
Кејт Мос
7 милиони долари
Кејт Аптон
7 милиони долари
Лиу Вен
7 милиони долари
Алесандра Амбросио
5 милиони долари
Хилари Рода
5 милиони долари
Потоа следуваат Наталија Водјанова, Каролин Марфи, Карли Клос, Џордан Дан со заработка од по 4 милиони долари. Кара Делавин и Ања Рубик во изминатиов период заработиле по 3.5 милиони долари, а Кендис Сванапул, Џоан Смолс, Ерин Васон, Ерин Хедертон, Линдзи Виксон и Дарија Вербови по 3 милиони долари.
При креирањето на листата се земени предвид заработките на убавиците во периодот од јуни 2013 до јуни 2014.
