Кендис Сванапул е новото заштитно лице на модниот бренд „Free People“. 25-годишната убавица беше фотографирана за јулскиот каталог од познатиот фотограф Гај Ароч.
Новата колекција всушност ја најавува есенската мода и се темели на вестерн стилот – реси, пончоа, шешири. Кај дел од облеката е очигледна и рокерска и гранџ инспирација – кожа, карирани дезени.
За време на фотосесијата било снимено и видео кое накратко прикажува еден работен ден на Кендис. Во видеото, привлечната Јужноафриканка споделува дека десетгодишното молзење на крави на семејната фарма ја подготвило за работата како модел.
„Факти за Кендис Сванапул: 1. Течно зборувам португалски; 2. Немам возачка дозвола 3. Пораснав на фарма за млеко“ – вели таа.
