Ирина Шајк многупати има докажано дека изгледа совршено во долна облека и костими за капење, но убавата Русинка мами воздишки и кога нејзиното извајано тело е покриено со невестински фустани.
26-годишниот модел позираше во венчаниците од колекцијата висока мода 2013 на Алесандро Анџелоци. За рекламната кампања на италијанскиот дизајнер, Ирина носи невестински фустани во различни стилови – од секси фустани со проѕирни отсечоци, до раскошни фустани со волуменозни здолништа.
Се шпекулира дека Ирина наскоро ќе стане невеста и во реалниот живот. Според некои медиуми, Ирина и нејзиното момче Кристијано Роналдо планираат свадба за наредното лето.
