Кралицата Ранија и кралот Абдула II беа во официјална посета на Катар.
Во рамките на планираните активности, 51-годишната кралица на Јордан се сретна со мајката на сегашниот емир и поранешна прва дама на Катар, шеика Моза бинт Насер. Двете елегантни дами ја остварија средбата во палатата Al Ramlah, каде разговараа за заедничките интереси на двете земји.
62-годишната шеика избра модни парчиња од Жан Пол Готје, додека Ранија својот изглед му го довери на Ердем.
Шеика е сопруга на поранешниот емир на Катар, шеикот Хамад бин Калифа ал Тани, и мајка на седум негови деца, меѓу кои и моменталниот емир на Катар, Тамим бин Хамад ал Тани.
